İnstitutun 2022-ci il fəaliyyətinə dair illik yekun hesabat
17 mart 2023-cü il tarixdə İnstitutun 2022-ci il fəaliyyətinə dair yekun hesabatı və Novruz bayramı ilə əlaqədar bütün əməkdaşların iştirakı ilə yığıncaq keçirilmişdir.
İnstitutun direktoru Məmməd Bağır-zadə iclası açıq elan edərək, hesabatların təqdim olunması üçün İnstitutun aidiyyəti şəxslərinə söz vermişdir.
İnstitutun baş mühəndisi Saməddin Qəhrəmanov, baş mütəxəssis Elçin Orucov çıxış edərək, əvvəlki illərlə müqayisədə 2022-ci ildə İnstitutun fəaliyyətində xeyli yüksəliş olduğunu, həm maddi-texniki bazanın möhkəmləndirilməsi, həm də təmir-yenidənqurma işləri sahəsində əsaslı dönüş əldə edildiyini diqqətə çatdırmışdır.
İnstitutun direktor müavini Pənah Süleymanov öz çıxışında 2023-cü ilin Ulu Öndər Heydər Əliyev ili olduğunu vurğulamış, bu ölməz dahi şəxsiyyətin müasir Azərbaycan Respublikasının daxili və xarici siyasətində əvəzsiz rolu barədə, hazırda bu istiqamətdə onun davamçısı –ölkə Prezidenti, müzəffər Ali Baş Komandan İlham Əliyevin hərtərəfli, böyük xidmətləri haqda söz açmışdır.
Direktor müavini Kəramət Abdullayev də müzakirəyə çıxarılmış məsələlər barədə fikir və mülahizələrini yığıncaq iştirakçıları ilə bölüşmüşdür.
Sonda İnstitutun direktoru Məmməd Bağır-zadə təqdim olunmuş hesabatları qənaətbəxş hesab edərək iclası bağlı elan etmişdir.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpg)
