AzDƏMTTETİ-də seminar keçirilib

Azərbaycan Dövlət Əməyin Mühafizəsi və Təhlükəsizlik Texnikası Elmi Tədqiqat İnstitutunda İnstitutun direktor müavini Kəramət Abdullayevin sədrliyi ilə "Obyektlərin tikintisi və quraşdırılması üçün işlənilən layihələrinin təhlükəsizlik norma və qaydalarının tələblərinə uyğunlaşdırılması"na dair seminar təşkil olunub. Seminarda İnstitutun baş mütəxəssisi Nəsib Nəsibov, baş mühəndisi Saməddin Qəhrəmanov, Agentlikdən Maye və təbii qaz obyektlərində işlərin təhlükəsiz görülməsinə nəzarət müfəttişliyinin rəis vəzifəsini icra edən Eldar Əhmədov və Magistral boru kəmərlərində işlərin təhlükəsiz görülməsinə nəzarət müfəttişliyinin rəis vəzifəsini icra edən Möhsün Şahnazarov çıxış ediblər. Seminarda 22 Layihə təşkilatının nümayəndələri iştirak ediblər.

Seminarda Təhlükə potensiallı obyektlərin qaz təzhizatı, digər kommunikasiya qurğu və avadanlıqları üçün işlənmiş layihələrin qüvvədə olan qanunvericilik aktlarının və Dövlət Tikinti Normalarının tələblərinə əsasən İnstitutda keçirilən ekspertizası zamanı aşkar olunan çatışmazlıqlar Layihə təşkilatları ilə birlikdə müzakirə olunub.

Seminarın sonunda mövzu ətrafında geniş müzakirələr aparılıb, suallar cavablandırılıb.